29/12/14

El Teixu, Furmientu y Faceira denuncian nel Conseyu d'Europa l'incumprimientu del tratáu internacional que protexe la llingua llionesa

Vía Faceira.org

L’ESTÁU ESPAÑOL Y LA XUNTA DE CASTIELLA Y LLIÓN VULNERAN LA CARTA EUROPEA DE LAS LLINGUAS REXONALES OU MINORITARIAS

Las asociaciones en defensa de la llingua llionesa El Teixu, Furmientu y Faceira denuncian nun informe al Conseyu d’Europa que tanto l’Estáu Español como la Xunta de Castiella y Llión incumpren la Carta Europea de las Llinguas Rexonales ou Minoritarias. Dambas alministraciones non solo nun realizoron actividades de promoción del llionés, senón que nin siquiera ufrioron información sobre la situación de la llingua, eliminándola asina de maneira unillateral y illegal del ámbitu de protección del tratáu.

Las asociaciones en defensa de la llingua llionesa El Teixu, Furmientu y Faceira acaban de presentar al Conseyu d’Europa un informe no que se denuncia tanto al Estáu Español cumo a la Xunta de Castiella y Llión por incumprir la obrigación de protección del llionés asumida por España al subscribir no 2001 la Carta Europea de las Llinguas Rexonales ou Minoritarias. Acusan tamién al Estáu y a la Comunidá Autónoma de facer casu omisu de las recomendaciones del Conseyu d’Europa emitidas en 2012, nas qu’esta organización internacional reclamaba actuaciones concretas de promoción del idioma llionés y la sua introducción no sistema educativu.

El Conseyu d’Europa solicitóu, amás, más información a las autoridades estatales y autonómicas sobre la protección del llionés, petición d’información que las autoridades negoron a esta organización internacional, dao que’l 9 de mayu del 2014 se fexo públicu por parte del Reinu d’España’l Cuartu informe sobre’l cumprimientu n’España de la Carta Europea de las Llinguas Rexonales ou Minoritarias, del Conseyu d’Europa, y no mesmu hai una ausencia total de referencias al llionés cumo llingua protexida pola Carta Europea. Esto supón un gravísimu incumprimientu por parte de la Comunidá Autónoma de Castiella y Llión y del Estáu Español de la Carta Europea de las Llinguas Rexonales ou Minoritarias del Conseyu d’Europa, pues de tódalas comunidades autónomas con llinguas propias diferentes del castellanu namás Castiella y Llión recusóu dar información sobre la realidá llingüística.

Amás d’ello, l’Asociación Cultural Faceira, exercitando el dereitu de petición, solicitóu formalmente en sanxuán del 2014 a la Dirección Xeneral de Coordinación de Competencias conas Comunidades Autónomas y las Entidades Locales del Ministeriu d’Alministraciones Públicas, al emparu del artículu 29 de la Constitución Española y de la Llei Orgánica 4/2001, del 12 de noviembre, reguladora del Dereitu de Petición, que se complementara l’informe español conos datos relativos al llionés, petición que nun foi nin atendida nin contestada, vulnerando asina esti dereitu constitucional, lo que demuestra la nula voluntá del Estáu d’asumir las suas obrigaciones internacionales en relación cona aplicación de la Carta al llionés.

L’Estáu Español, garante postreiru de l’aplicación de la Carta n’España a las llinguas protexidas, cumo ye’l casu de la llionesa, en sintonía directa cona Xunta de Castiella y Llión que nun cumpre tampouco’l mandáu estatutariu de protección y promoción del llionés recoyíu nel artículu 5.2 del Estatutu d’Autonomía, eliminóu de maneira unillateral y illegal la llingua llionesa del ámbitu de protección d’esti tratáu internacional d’ámbitu européu.

Subscriben esta nota las siguientes asociaciones en defensa de la llingua llionesa: El Teixu (Asturias, Llión, Zamora y Bregancia), Furmientu (Zamora) y Faceira (Llión).

11/12/14

¿PODEMOS? Sí pero...

Si aquella espresión del votu útil en dalguna ocasión tuvo dalgún aquel, nun cuido que fuera nun momentu más axeitáu que'l que vivimos anguaño. Aportéi la mia robra pal nacimientu de PODEMOS, confiéi nellos nas europeas y seique faréi lo mesmo outra vuelta nas xenerales. Nun estói ciegu nin soi un inorante, y nun pongo la mano no fuegu por tódalas suas mididas, sicasí, creo qu'esta formación política ye la única alternativa de cambiu real de todas aquellas que tienen posibilidá d'asganzar un resultáu granible. PODEMOS supón, en definitiva, esi terremotu del que precisa esti estáu pa que las cousas polo menos cambien, quiciabes pa pior, nun vos sei dicir, ye lo que tien lo desconocido, pero lo outro ya sabemos lo que ye y lo que nos aportóu y aporta.

Outramiente, nun puedo tapecer la mia decepción énte'l nulu interés dedicáu dica güei por parte d'esti partidu a nivel local en cuantias a la xusta y trentañeira reivindicación del nuesu puebru de contar con una autonomía propia, todo ello mentanto llevan a cabu'l sou discursu falando ensin nengún pudor de Castilla y León, castellanos y leoneses, nuestra comunidad, etc., un feitu qu'imaxino pagarán en mayor ou menor midida, polo menos en Llión, a la hora d'arrecadar votos. Si dende'l primer momentu PODEMOS daba la impresión de querer romper con todo, pámeque polo menos nesta estaya vai siguir el mesmu carreiru que vien siguiendo dende cuantayá cuasimente toda la esquierda local (escepciones hailas) d'aceptar l'actual marcu autonómicu y xustificar aquello col ermu argumentu de que dibuxar una raya más no mapa nun vai arregrar nengún de los verdadeiros problemas que la sociedá sufre güei.

Lo de la esquierda y el llionesismu ye dignu d'un análisis aparte. Ésta siempre etiquetóu al outru cumo rede clientelar burguesa de dreitas (en parte rezón nun-yes falta), pero metiendo nesi sacu a todu aquel, fuera de la sensibilidá ideolóxica que fuera, pal que'l reconocimientu de la esistencia d'un puebru llionés con dreitu a tomar las suas propias decisiones supuxera una prioridá. Esta coxuntura tan difícil d'estorgar ye la que vienen sufriendo nos últimos diez años las poucas iniciativas llionesistas d'esquierda, todas ellas nel ámbitu del asociacionismu, y qu'amodín van superando cumo buenamente pueden pa poder participar d'esi pactu tácitu de camaradería qu'alita nesa gran corriente y que se consagra en mui bien d'actos y manifestaciones, onde diferentes formaciones d'esquierda son a xunise a la hora de defender un oxetivu común a todas.

La sociedá en xeneral nun tien un conceptu muito meyor d'esi llionesismu qu'inevitablemente asocian de maneira directa a UPL, cousa qu'esprica la chamadeira situación de que la mayor parte de los llioneses estean a favor d'una autonomía propia mas nun depositen la sua confianza nesti partidu. La golosina de l'autonomía p'arréu facer la misma política, ou on pior, que PP ou PSOE ya va muitu tiempu que nun engaña a nadie y vai facer falta muito más qu'eso p'acabar con esi arume a caronxu qu'arreciende d'un avieyáu portal de la capitalina Avenida República Argentina. Dientro de malpenas seis meses, cuando l'enfermu sía finalmente un cadabre, puede que la xusta reivindicación llionesa cueya aire nuevu, entre nesa nueva política de participación y proyectu y remueva abondu polvu cumo p'aspirar a una nueva oportunidá, ou puede que participen d'ella partidos qu'antias nun lo ficieron, por soñar que nun quede. Hasta entós, y masque insisto no dito no primer párrafu, siguiréi ensin acudir cumo hasta güei a nenguna asemblea de PODEMOS León, porque no fondu sei que si voi... numás sirvirá pa poneme de mui mala data.

25/11/14

III Filandeiru bercianu

Si vos animáis... verémonos en Veiga!


30/10/14

I Cursu d’Iniciación a la llingua llionesa


La nuesa asociación, cumpriendo cono sou compromisu cona defensa y promoción de la llingua y cultura llionesas, organiza’l sou primer cursu d’iniciación al nuesu idioma en modu presencial que vai tener llugar na ciudá de Llión, concretamente nas aulas de la consultoría de formación Skala, asitiada na calle Jorge de Montemayor, 6.

El cursu tendrá una duración total de 48 horas llectivas que s’impartirán cada vienres ente las 18,00 y las 20,00 horas, dende’l 21 de noviembre del presente añu hasta’l 29 de mayu de 2015. Las crases contarán cumo base de trabayu cona publicación Xurdir, guía gramatical de leonés, editada pola nuesa asociación, y outros materiales didácticos que serán entregaos a cada alumnu dientro'l preciu de matrícula. Xunto al aspectu concretamente llingüísticu, el cursu contará tamién con una parte de cultura llionesa, toponimia y naturaleza, estayas au la nuesa llingua siempre xugóu un papel fundamental.

Tódolos interesaos en matriculase pueden facelo en Skala Formación, calle Jorge de Montemayor, 6. El prazu de matrícula remata’l próximu 14 de noviembre y el preciu de la mesma ye de numás un pagu únicu de 40 €. Las prazas son llimitadas. Pa más información contactar na nuesa dirección de corréu asociacionfaceira@gmail.com

Llugar: Skala Formación, calle Jorge de Montemayor, 6.
Horas llectivas: 48.
Crases: Los vienres de 18,00 a 20,00 horas dende’l 21 de noviembre hasta’l 29 de mayu.
Preciu: 40 € (pagu únicu)
Prazu d’inscripción: Hasta’l próximu 14 de noviembre.

15/10/14

Certame L.literariu Astúrica


Noticia bien guapa pal l.lionés.

Un anu más chega'l yá tradicional Certame L.literariu Astúrica, nesta ocasión amañáu outra vuelta pola Asociación La Caleya despuéis de que fuera Faceira quien s'encargara de l.levar a cabu la sua anterior edición.

Cumo yía costume dúas son las modalidaes de participación: relatu curtiu ya poesía con tres premios en caduna d'el.las, pudiéndose unviar obras en cualesquiera de las variantes esistentes dientro'l dominiu l.lingüísticu asturl.lionés.

El plazu pa faer chegar los testos remata'l 24 de xineiru de 2015 ya imaxino que nun fai falta mentar lo importante que yía la esistencia d'esta clas de niciativas no procesu de recuperación del idioma ya por el.lo la participación de todu aquel que tenga un poucu de xeitu nesto de la escritura, asina qu'animaivos ya participái.

Podéis eichar un güechu a las bases calcando eiquí.

13/10/14

Llaváu de cara

Imaxino que us poucos que pasades por eiquí davezu xa vos decataríades da nuova imaxe d'este requeixín en llionés no que dacuandu en vez eicho una parva de ringleiras pa que sepades que sigo vivu.

Bien yíe ciertu que nun me matara, nun deixa de ser a prantiya más básica de blogger con cuatro escarabayos y un header un poucu curiosu feitu con photoshop. Todo bien sienciello, que yíe cumo you cuido que deben ser us blogs, pero no mieu casu xa estaba mueitu cansu del skin anterior y a sua color azulona tan da Ponfe, imperdonabre pa un culturalista cumo'l qu'escribe.

Lo dito, aspero vos preste a nuova imaxe, se saco tiempu y ganas, amelloraréila. Se non... polo menos yíe meyor qu'a d'antias.

Paz amigos.

12/10/14

Mira que saliera guapa la vaca...



Qué difícil ye falar de lo más cotidiano, de lo que vives cada xornada, de lo qu'amodín, cuasimente ensin que te decates d'ello, acaba formando parte del día día, de los instantes más repitidos, de la rutina, de ti mesmu. Qué difícil ye falar pa min de Tarna, esos que suenan siempre nos altavoces del cassette del mieu coche cada vez que lu prendo.

Onque cuido qu'anguaño nun precisan de presentación nenguna, mui brevemente diréi que Tarna son un dúu de música folk, formáu por Rodrigo y Diego, dous llioneses que con mano arteira axeitan la tradición oral del folclor de la nuesa tierra con sones ya instrumentación más moderna, llogrando cumo resultáu dalgo daveras fermosu y que güei, tres siete años y dous trabayos discográficos publicaos, yá vai arrecadando'l reconecimientu públicu qu'amerita.

Na nueite d'ayer precisamente presentoron el sou segundu discu, El hombre que tenía una vaca, no Teatru del Albéitar de Llión nun inesqueicible conciertu au todo foi simplemente perfecto: una impecable decoración, un publicu ansiosu por sentir los once temas de los que se compón esti trabayu y una fabulosa intepretación de los miesmos pola parte que toucaba a Tarna, onde nun faltóu la sua humildá y cercanía pa conos presentes, la sua sensibilidá y corazón en música y voz y por supuesto un buen puñáu de momentos que foron la risión cumo ye vezu nas suas actuaciones, porque guasa... tienen bien d'ella.



Muitas foron las veces nas que los presentes nos emocionemos al sentir cantares tan prestosos y representativos cumo Buiza, Titos de Cuadros ou El Cucu Rubiellu, pero quiciabesmente mención especial mereza la intervención de Xosé Antón Ambás, una de las personalidaes más reconecidas del folk asturianu, qu'amás de deleitanos cona interpretación del cantar de Casares d'Arbas Maruxa, presente tamién no discu, dedicó unas preciosas palabras a la llingua que xunta a llioneses y a asturianos y a la cultura tradicional d'entrambas tierras a la que s'acuta tan pouca atención.

Pa dalguién cumo you, músicu amateur que tanto amor siente pol país y los sous valores autóctonos, el sentimientu hacia Tarna numás puede ser d'almiración y agradecimientu. Almiración polo musical y agradecimientu por todo lo demás, pola sua apuesta ensin complexos pol nuesu idioma y tradición oral, respetándola ensin deturpala nin castellanizala, y amás por facer dalgo tan importante cumo qu'ésta chegue y conecte con xente cada vez más xoven.

¿El discu? Más curiosu imposible, saliera a la venta van diez días y cumo nun podía ser d'outru xeitu tengolu yá quemáu, una pena que finalmente nun grabaran esa media mano qu'interpretan en muitos de los sous conciertos na qu'amiestan la Ronda de Quintaniella'l Monte cono fermosísimu cantar bercianu Filandón, en fin, confío en qu'estea presente no próximu, personalmente... yá nun soi quien a asperar.


18/9/14

Toro de la Vega NO, corridas SÍ. Ehm... ¿qué?



En mia casa siempres houbo una gran afición pol mundu la tauromaquia. Crecí viendo corridas de touros, igual que vía fútbol, tenis ou motociclismu, y cuasimente acabéi entendiento éstas cumo un deporte más. Mieu padre llogróu contaxame del sou amor pola Fiesta Nacional xunto a tódolos argumentos que negaban el maltratu animal, y durgante mui bien d'años siguí con rixu cada temporada, las suas faenas, deprendí l'argot d'esi mundu, el nome de cada pase, de las colores de la piel del touru, asistí presencialmente a unas cuantas corridas y aneciéi con que l'animal nun sufría, con que naciera pa eso... y todos esos telares.

Esa afición, esi amor que you cheguéi a sentir pola danza touru-toureiru, nun foi a torgar que, tiempu despuéis y faciendu un exerciciu de responsabilidá moral, me decatara de la evidencia que tentéi de negar tantos años y aceptara la mesma: el más qu'evidente sufrimientu del animal, la barbarie de torturar a un ser vivu por pura diversión y el negociu de millones d'euros que s'escuende tres esa monstruosidá que you chaméi arte, tradición. Finalmente y onque ye difícil que dalgo que te gustóu tanto deixe d'interesate d'un día pa outru, garréi la decisión de perder dafeitu'l contactu con esi mundu, nun pisar outra vuelta una praza y aceptar que si la cordura manda, la Fiesta Nacional tien que se prohibir.

Esta breve presentación del mieu pasáu taurinu vien acordias al espolín que dende una parva d'años p'acá xurde siempres por estas fechas nos medios de comunicación, tertulias de bar, redes sociales, etc. respecto al Toro de la Vega. Imaxino que nun fai falta que declare la mia condena a esta atrocidá, pero si asoleyo'l tema ye básicamente porque, polo menos pa min, inda más chamadeiru que'l feitu de qu'haya xente que la defienda, ye'l casu de la xente que felizmente la condena pero sicasí  fai apoloxía de las corridas de touros aferrándose a esi arte, tradición, fiesta, cultura, etc que mentéi enantes.

Nun son ún, nin dous, nin tres los casos que tengo vistos estos días de xente que con traxe, corbata, un monóculu no güeyu y mazcarándose baixo l'intelectualismu y la pedantería atacan al Toro de la Vega cumo'l peor de los males pero faen darréu una defensa a ultranza de la tauromaquia, falando de qu'ésta tien una regulación, un procesu afayadizu en que'l dañu está controláu y xustificando l'asuntu (gárrense qu'esto nun ye broma) en que personalidaes cumo Picasso, Dalí, Goya, Hemingway, Orson Welles, Sabina ou Calamaro adoraban esti mundu. Guay.

Supongo que tendréi que ller más, qu'informame enforma y deprender de Picasso, Dalí & company pa saber estremar ente las llanzas del picador y las de los xinetes de Tordesillas (según paez las últimas faen dañu y las outras non) ou meyor tovía, prestar más atención a los cantares de Sabina ou Calamaro p'asganzar esi intre zen que'l touru vive na praza, onde la espada'l matador ye cumo'l beisu d'una madre antias de dormir pero que, fuera d'ella, ye un arma atroz que tortura y abandera la barbarie.

Acabo yá llamentando muito'l tragu que pasoron las personas que fueron a protestar a Tordesillas y no meyor de los casos marchoron con un güeyu moráu, pero viendo la repercusión mediática que causorón, puede qu'esi sea l'únicu calce pa crear un espolín enforma importante cumo pa rematar cona llaceria ésta del Toro de la Vega. Lo d'acabar cona que protagonizan Jesulín, Morante, Ponce y compañía... va pa muito más llargo.
Related Posts Plugin for WordPress, Blogger...