La llengua llionesa na política: ¿fin ou mediu?

Luis Mariano Santos, Procurador d'UPL nas Cortes de Castiella y Llión intervién en llionés no plenu celebráu na ciudá de Llión en mayu de 2016.

Tiempu diba que nun paraba por eiquí, pero un espolín xurdidu apoucayá en twitter sobro la mia visión crítica de la defensa del llionés por parte del partidu políticu UPL envizcóume a escribir estas ringleras, básicamente por mor de que 280 caracteres nun abondan para dexar crara la mia posición qu'en muitos casos ye malinterpretada cumo si na crítica hubiera una aquella de querer dañalos. Nada más lluenxe de la realidá, pero creo que nun hei aplaudir aquello que nun lo amerite. Agora que ya pasoron las elecciones, UPL ameyoróu resultaos, estamos todos más pousaos y quiciabes siamos quien a reflexionar con más calma, entender esto cumo una crítica constructiva y tener una actitú menos defensiva... falemos del asuntu.

Nun ye nengún secretu que parte importante de las personas interesadas na llengua llionesa y involucradas na sua defensa cheguemos a ella a traviés de la política. La negación cumo puebru que los llioneses sufrimos dende cuantayá y que por más que pasen los años enxamás nun aceptaremos, faz que cuando garras el camín de la militancia nesa reivindicación, garres tamién interés polos valores autóctonos y, por ello, conciencia de la existencia de la nuesa llengua tradicional, minoritaria y minorizada, qu'agoniza anguaño nel occidente del país.

La defensa del llionés dende la política siempres foi feita principalmente pol partidu políticu UPL no que militéi a lo llargo de siete años. Nesti sen, la visión del nuesu idioma, guste ou non, siempres tuvo una aquella más bien simbólica na que la conculcación de los dereitos lingüísticos de los falantes patrimoniales qu'inda existen en mui bien de comarcas llionesas, pasaba, siendo mui xenerosos, a un segundu planu. El llionés siempres foi no fondu un argumentu más pa  dexar craro lo que nun somos y pa utilizar en según qué circunstancias pa zurriar a la Junta de Castiella y Llión, pero por casu la cuasimente inexistente denuncia de la sua ausencia no currículu escolar nas zonas au ye una realidá viva dexaban albentestate un activismu tebiu, simbólicu y na mia opinión deshonestu en que lo daveras inmportante yera afitar una identidá por cima de defender dereitos de personas.

Los años pasoron y gracias en buena parte al llabor de diversos colectivos culturales de carácter lingüísticu xurde outra perspectiva no panorama que, por suerte, foi y vai aspacín espayándose y contaxándose entre la sociedá y faciendo pedagoxía inclusive entre dalgunos partidos políticos qu'hasta esi intre nunca nun miroron pol idioma. Y asina foi cumo por primer vez el llionés sonóu nas Cortes de Castiella y Llión a lo llargo de la intervención d'un procurador, concretamente en boca de Luis Mariano Santos, d'UPL. Tamién Carles Mulet, de Compromís, defendía enérxicamente dende'l senáu el nuesu idioma ou inclusive PODEMOS presentaba una PNL pola inclusión del llionés no currículu educativu, cuestiones todas ellas de las que ya faléi con ilusión tiempu atrás. Pero quiciabes la iniciativa más chamadera y novedosa, foi la rotulación bilingüe que l'Ayuntamientu de Trueitas, en manos del PSOE, llevóu a cabu nos llugares qu'aconceya en branu de 2015. Tristemente esta valiente iniciativa nun salíu de baldre. Los rótulos son on güei cada pouco emporcaos por aquella xentecaya que numás entiende una España n'español, tachándose'l nome en llionés. El tema xeneróu igualmente nas redes sociales encesos debates y espolines sobro la utilidá de la iniciativa y imaxino que pal propiu alcalde esti asuntu nun trouxo un clima especialmente cómodu na zona, pero'l trabayu bravu, sinceiru y honestu por una llengua minoritaria y minorizada nunca nun ye fácil. Precisamente la mia crítica a UPL vai por esa sienda. Explícome.

El llabor de Luis Mariano Santos cumo procurador d'UPL nas Cortes de Castiella y Llión en defensa del llionés y del cumprimientu del art. 5.2 del Estatutu d'Autonomía a lo llargo de los últimos cuatro años siempres habrá que lu emponderar y aplaudir, entre outras cousas porque l'acción más importante y urxente ha desenvolvese dende l'administración autonómica, pero si tódalas reivindicaciones d'UPL van chegar dende la oposición (eiru relativamente cómodu onde principalmente lo qu'hai que facer ye protestar con rixu por todo aquello procedente) nun puedo evitar perguntame si la defensa del llionés ye un obxectivu en sí mesmu ou acontina a ser una ferramienta que garrar dacuando pa solmenar una manotada a la Junta. ¿Por qué digo esto? Porque UPL nun xuega un papel exclusivamente opositor, tamién gobierna y amás en llugares onde la fala patrimonial ye llionesa, cumo Cabrichanes en Babia ou Castru na Valdería. La pergunta ye ¿qué lóxica tien reivindicar con tantas arrancaderas la defensa del llionés dende la oposición nas Cortes de Castiella y Llión ou solicitar la rotulación en llionés (iniciativa tamién xurdida dende la oposición) de las calles de la ciudá de Llión ou de San Andrés del Rabanedo onde nun se fala llionés y, sicasí, nun facer absolutamente nada nesos outros llugares au l'alcaldìa ye d'UPL y el llionés ye una realidá cotidiana? Viénenme a la cabeza dúas explicaciones mas nenguna ye satisfactoria. Podría ser por evitar la situación incómoda que se diera en Trueitas, pero la defensa nobre  del llionés debería suponer aceptar esas cousas y nun tener tantu miedu a perder votos por llevalas a cabu. Conste que'l PSOE ganóu en Trueitas outra vuelta y on con muita más diferencia, parez que defender dereitos lingüísticos nun quita votos, antigual. Outramiente, la mansulina xustificación tamién podría venir pol feitu de que cumo bien sabemos nos puebros la xente vota más al candidatu qu'al partidu y nun ye raro qu'un cabeza de lista mude de partidu d'una lexislatura pa outra. De tódolos xeitos entiendo que por más que sías candidatu de conveniencia, pa presentate por UPL, formación política que s'autodefine cumo llionesista, deberían cumprise unos mínimos al respetive d'esta cuestión que'l propiu partidu debería fincar porque, de nun ser asina, nun me queda craro qué estrema a UPL de los demás acullá de pidir l'autonomía pal País Llionés.

Enantias de rematar toda esta parolada, quixera comentar dalgo mui significativo que vi días atrás en televisión, concretamente no debate de candidatos a l'alcaldía de Llión y que me chamóu muito l'atención sobro esti asuntu. La candidata d'Izquierda Unida, Carmen Franganillo, foi la única que mentóu la cuestión de la defensa del llionés y del cumprimientu nesi sen del Estatutu d'Autonomía de Castiella y Llión no bloque del debate sobro iniciativas sociales y culturales, cuestión presente de manera bastante crara no sou programa políticu pa la ciudá de Llión polo que pudi ller. Tres esto, el candidatu d'UPL, Eduardo López Sendino, retrucóu cona caldia que se alegraba de que Izquierda Unida hiciera referencia a la lengua y cultura leonesas ya que en su candidatura a las Cortes van en coalición con un partido castellanista que niega hasta el nombre a León, y cuidáu, qu'esto ye cierto y nun creo que preste a nengún llionés pero, outramiente, cuido que tampouco nun prestará a nenguna persona sensible pa cona cuestión del nuesu idioma que la única referencia a la defensa del mesmu no programa políticu d'UPL, partidu que muita xente defiende cumo abanderáu del asuntu, sía un tebiu apunte sobro'l cumprimientu del art. 5.2 mentando concretamente la conservación de la Cátedra de Estudios Leoneses, que nun niego pueda ser un llogru importante pa dar visibilidá al idioma pero nun sei hasta qué puntu pueda ser efectivu pa torgar la sua desaparición allá au daveras existe y n'onde l'actuación ha ser sobremanera en materia d'educación y toponimia. Al respetive d'estas cuestiones, nenguna referencia concreta no programa electoral d'UPL.

Pa cabu, pola mia parte la conclusión ye que siempres emponderaréi cualisquier iniciativa en defensa del llionés, sía de quien sía, pueis creo que la defensa del llionés dende la política ha ser transversal y habría formar parte del programa de tódolos partidos políticos por tratase simple y chanamente d'una cuestión de defensa de dereitos civiles. Las llenguas no fondu nun son más qu'abstracciones que garran una dimensión real gracias a las personas que las utilizan y qu'en tristes ocasiones sufren amás por ello una dura discriminación. El llionés ye buen exemplu d'esto. Trabayemos na sua defensa con rigor, nobreza y entendiendo esta reivindicación cumo un fin en sí mesmu y non una ferramienta pa llograr outras cosas, nun sía que por querer defender la llengua dende la política acabemos politizando la llengua, conceptos que pintan parecidos pero están bien estremaos.

Llevántase dalgo de polvoreda...

En chegando a los nueve años desque s'anovara l'Estatutu d'Autonomía de Castiella y Llión ensin que se llevara a cabu por parte del gobiernu autonómicu nin una sola iniciativa pa dar cumprimientu ou desenvolver llegalmente l'artículu 5.2, referidu esti a la protección de la llengua llionesa, quiciabes la entruga más lóxica y evidente que podría xurdir y que seique se comentara no senu del comité d'espertos de la Unión Europea mentanto s'ellaboraba'l postrer informe sobre l'aplicación de la Carta Europea de la Llenguas Rexonales ou Minoritarias, sería: ¿por qué se fincóu esi puntu nel estatutu sin nun había voluntá de facer nada con él?

Las respuestas podrían ser varias, pero cuido que la más atinada diría pola sienda de que dende la dereita cuartelada siempre se pensóu que nunca nun esistiría dende nengún espectru políticu ou social una reivindicación seria, honesta, planificada, constante y con abonda respuesta mediática cumo pa treslladar esi artículu dende'l propiu papel hasta un debate públicu y abiertu, y que quiciabes una ringlera nel estatutu reconeciendo la esistencia de la llengua abondaría p'amatar las sonces voces que protestaban ante la sua agónica situación, especialmente al observar un panorama on güei mui xeneralizáu y que nun s'acaba de superar dafeitu onde l'usu del llionés tien un aquel más bien simbólicu, testimonial, llonxanu del compromisu y acutáu a espacios básicamente virtuales onde la defensa de los dereitos de la minoría llingüística llionesa ocupa un segundu planu ou directamente nin se tien en cuenta.

A lo llargo d'esti añu presenciemos un refileiru de noticias y feitos que pueden ser la simiente de que quiciabes dalgo está pasando, de que se llevanta dalgo de polvoreda: un nuevu informe del Conseyu d'Europa dexaba -outra vuelta- en pública evidencia la pasividá de la Junta al respective de las mididas necesarias pa torgar el desaniciu del llionés y que foron ratificadas por España na Carta Europea; Carles Mulet (Compromís) reivindicaba'l llionés cumo llingua nel senáu, Luis Mariano Santos (UPL) facía por primer vez usu del idioma en pública alocución no plenu de las cortes autonómicas y PODEMOS presentaba apoucayá una PNL que reclama la protección del llionés y la sua inclusión no sistema educativu. Outramiente, la conseyera de Cultura y Turismu de la Junta daba nuncia va unos meses de la supuesta intención de realizar actividades alredor de la llengua llionesa y saltaba la noticia de la inversión de 3000€ pa producción literaria, nun sei qué programa de televisión y cuestiones asemeyadas nesi sen. La cantidá cumo tal, nun supón muito más qu'un insultu, porque con eso nun da nin pa un primer pasu, y menos aínda na difícil xera de salvar un idioma nuna situación cuasimente terminal cumo ye la del llionés (eso ya por nun mentar l'agraviu comparativu si ponemos sobre la mesa los más de 500000€ que s'adican al gallegu nesta mesma comunidá) pero lo que sí asoleya esti feitu ye la imposibilidá de la Junta de mirar etenramente hacia outru llau y la necesidá d'amatar esti fuegu cumo sía, incluso con pasos tan vergonzantes cumo esa partida presupuestaria, síntoma al fin y al cabu de que cabalgamos, Sancho. A todo esto, xuntábase la resolución del Procurador del Común asoleyada va unos días que da la rezón a Faceira y qu'insta a la Junta a tomar mididas reales pa la protección del llionés, acordias a lo dictao y robrao na Carta Europea, tildando d'acciones residuales las ridículas xustificaciones facilitadas polas conseyerías de Cultura, Turismu y Educación pa tentar de mazcarar la incontestable evidencia de nun esiste nengún afán de dar los pasos daveras necesarios  pa cumprir cona llegalidá que dicta l'estatutu.

Todos estos nicios parecen indicar que'l debate quier abrise de fincia, que vai furando y faciendo camín a traviés de todos aquellos interesaos en tapecelu, y que nun ye posible poner puertas al mar, esguilar a trompa talega entre argumentos ou echar balones fuera polos siegros de los siegros. Dalgo enforma importante nesti sen ye tener bien presente que, si bien el cumprimientu de lo dictao nel estatutu ye una cuestión de voluntá política, nun estamos a falar de cuestiones ideolóxicas nin de ser más d'esquierdas ou de dereitas. Desviar esti importante debate a un ámbitu d'etiquetas políticas, onde mezclemos cuestiones y califiquemos, por casu, a tal ou cual partidu de mas ou menos llionés por posicionase abiertamente a favor del cumprimientu del artículu 5.2 pero nun dar pasos n'outros aspectos que pouco tengan que ver cona cuestión llingüística, sería por un llau un gran error y d'outra banda lo meyor que podría pasar a los enemigos del idioma, los que nun quieren mudar las cousas del fitu no que nos alcontramos anguaño. La implicación del mayor númaru posible de partidos políticos, asociaciones, colectivos, etc. ye fundamental nesta empresa, pueis el llionés ye patrimoniu de todos y llamentablemente un patrimoniu al que nun-ye queda muitu tiempu si las cousas nun cambian con urxencia. Hemos ser conscientes de qu'estamos reivindicando dalgo tan importante cumo que se respete y dea cumprimientu la llei vixente, superar esa situación tan surrealista na que l'estatutu d'autonomía s'autodesobedez a sí mesmu, satisfacer lo ya robrao y ratificao pol Estáu Español na Carta Europea de Llenguas Rexonales ou Minoritarias y llograr que'l llionés sía tratáu, polo menos, cona mesma atención que s'adica al gallegu.

Y acordias a esto... estamos nel intre en que debemos facer más ruidu que nunca. Veremos qué pasa nos próximos meses.

¿PODEMOS? Sí pero...

Si aquella espresión del votu útil en dalguna ocasión tuvo dalgún aquel, nun cuido que fuera nun momentu más axeitáu que'l que vivimos anguaño. Aportéi la mia robra pal nacimientu de PODEMOS, confiéi nellos nas europeas y seique faréi lo mesmo outra vuelta nas xenerales. Nun estói ciegu nin soi un inorante, y nun pongo la mano no fuegu por tódalas suas mididas, sicasí, creo qu'esta formación política ye la única alternativa de cambiu real de todas aquellas que tienen posibilidá d'asganzar un resultáu granible. PODEMOS supón, en definitiva, esi terremotu del que precisa esti estáu pa que las cousas polo menos cambien, quiciabes pa pior, nun vos sei dicir, ye lo que tien lo desconocido, pero lo outro ya sabemos lo que ye y lo que nos aportóu y aporta.

Outramiente, nun puedo tapecer la mia decepción énte'l nulu interés dedicáu dica güei por parte d'esti partidu a nivel local en cuantias a la xusta y trentañeira reivindicación del nuesu puebru de contar con una autonomía propia, todo ello mentanto llevan a cabu'l sou discursu falando ensin nengún pudor de Castilla y León, castellanos y leoneses, nuestra comunidad, etc., un feitu qu'imaxino pagarán en mayor ou menor midida, polo menos en Llión, a la hora d'arrecadar votos. Si dende'l primer momentu PODEMOS daba la impresión de querer romper con todo, pámeque polo menos nesta estaya vai siguir el mesmu carreiru que vien siguiendo dende cuantayá cuasimente toda la esquierda local (escepciones hailas) d'aceptar l'actual marcu autonómicu y xustificar aquello col ermu argumentu de que dibuxar una raya más no mapa nun vai arregrar nengún de los verdadeiros problemas que la sociedá sufre güei.

Lo de la esquierda y el llionesismu ye dignu d'un análisis aparte. Ésta siempre etiquetóu al outru cumo rede clientelar burguesa de dreitas (en parte rezón nun-yes falta), pero metiendo nesi sacu a todu aquel, fuera de la sensibilidá ideolóxica que fuera, pal que'l reconocimientu de la esistencia d'un puebru llionés con dreitu a tomar las suas propias decisiones supuxera una prioridá. Esta coxuntura tan difícil d'estorgar ye la que vienen sufriendo nos últimos diez años las poucas iniciativas llionesistas d'esquierda, todas ellas nel ámbitu del asociacionismu, y qu'amodín van superando cumo buenamente pueden pa poder participar d'esi pactu tácitu de camaradería qu'alita nesa gran corriente y que se consagra en mui bien d'actos y manifestaciones, onde diferentes formaciones d'esquierda son a xunise a la hora de defender un oxetivu común a todas.

La sociedá en xeneral nun tien un conceptu muito meyor d'esi llionesismu qu'inevitablemente asocian de maneira directa a UPL, cousa qu'esprica la chamadeira situación de que la mayor parte de los llioneses estean a favor d'una autonomía propia mas nun depositen la sua confianza nesti partidu. La golosina de l'autonomía p'arréu facer la misma política, ou on pior, que PP ou PSOE ya va muitu tiempu que nun engaña a nadie y vai facer falta muito más qu'eso p'acabar con esi arume a caronxu qu'arreciende d'un avieyáu portal de la capitalina Avenida República Argentina. Dientro de malpenas seis meses, cuando l'enfermu sía finalmente un cadabre, puede que la xusta reivindicación llionesa cueya aire nuevu, entre nesa nueva política de participación y proyectu y remueva abondu polvu cumo p'aspirar a una nueva oportunidá, ou puede que participen d'ella partidos qu'antias nun lo ficieron, por soñar que nun quede. Hasta entós, y masque insisto no dito no primer párrafu, siguiréi ensin acudir cumo hasta güei a nenguna asemblea de PODEMOS León, porque no fondu sei que si voi... numás sirvirá pa poneme de mui mala data.