Vía faceira.org
La obra inaugura la colección Lletras Universales de l'Asociación Cultural Faceira baixo’l sellu d’Eolas Ediciones. Esta novela curtia, publicada pol irlandés Joseph Sheridan Le Fanu en 1872, anuévase nuna traducción al llionés realizada por Xairu López, con ilustraciones de Ricardo Escobar y prólogu de Laura Collar.
Esta novela curtia, publicada en 1872 pol escritor irlandés Joseph Thomas Sheridan Le Fanu, foi traducida al llionés por Xairu López, autor de La Fueya Rota y outros relatos (2020). La obra, foi amás prologada por Laura Collar y ilustrada pol artesanu gráficu Ricardo Escobar, que contribuyera conas suas ilustraciones a numerosas publicaciones cumo Llión Máxicu, Los Reis de Llión ou Esbardu, vocabulariu llionés ilustráu.
Esta traducción, publicada por Eolas Ediciones, inaugura la colección Lletras Universales cona que l'Asociación Cultural Faceira finca l’obxectivu de poner a disposición de los lectores dalgunas de las obras más relevantes de la literatura universal traducidas a la llengua llionesa.
La novela curtia Carmilla ye una de las principales fontes de las que bebíu Bram Stoker pa crear la que quiciabes sía la figura más universal del terror fantásticu: Drácula. Esta inquietante historia de vampiros presenta por primer vez a estos cumo seres elegantes y atractivos, del mesmu xeitu aborda’l tema del erotismu y amor lésbicu nuna época na que la’argumentu abultaba fondamente controvertíu. La trama narra la historia de Laura y sou padre, habitantes d’un vieyu castiellu n’Estiria (Austria) xunto a los sous sirvientes. La sua tranquila y monótona vida cambia de repente cuando, frente a ellos, un carruaxe ocupáu por una muyer y por Carmilla, la sua formosa y xoven fiya, sufre un aparatosu accidente. Tres la decisión del padre de Laura de que la enigmática Carmilla quede no castiellu xunto a ellos hasta alitar del sucesu, ruchará entre las xovenes una relación d’amistá que trescala la llinia del más apasionáu amor en metá d’una riestra d’alarmantes feitos que xiran alredor del comportamientu de la recién chegada.
El llibru ya puede adquirise a traviés de www.eolasediciones.com y estará disponible nos próximos días en cualquier llibrería de referencia.
PRESENTACIONES
- LLIÓN: Martes, 20 de diciembre de 2022, a las 19,30 h. nel Institutu Llionés de Cultura (Calle Santa Nonia 3, Llión). VER CARTEL Y INTERVINIENTES.
- UVIÉU: Xueves, 22 de diciembre de 2022, a las 19,30 h. na Editorial Pintar Pintar (Pl. Juan XXIII, 7-8, Uviéu). VER CARTEL Y INTERVINIENTES.
- XIXÓN: Xueves, 4 de xineiru de 2023, a las 19,30 h. n'Ediciones Cuatro Gotes (Emilio Tuya, 51, Xixón). VER CARTEL Y INTERVINIENTES.
Nun hai comentarios.
Publica agora'l tou comentariu: