Certame L.literariu Astúrica

Noticia bien guapa pal l.lionés.

Un anu más chega'l yá tradicional Certame L.literariu Astúrica, nesta ocasión amañáu outra vuelta pola Asociación La Caleya despuéis de que fuera Faceira quien s'encargara de l.levar a cabu la sua anterior edición.

Cumo yía costume dúas son las modalidaes de participación: relatu curtiu ya poesía con tres premios en caduna d'el.las, pudiéndose unviar obras en cualesquiera de las variantes esistentes dientro'l dominiu l.lingüísticu asturl.lionés.

El plazu pa faer chegar los testos remata'l 24 de xineiru de 2015 ya imaxino que nun fai falta mentar lo importante que yía la esistencia d'esta clas de niciativas no procesu de recuperación del idioma ya por el.lo la participación de todu aquel que tenga un poucu de xeitu nesto de la escritura, asina qu'animaivos ya participái.

Podéis eichar un güechu a las bases calcando eiquí.

Llaváu de cara

Imaxino que us poucos que pasades por eiquí davezu xa vos decataríades da nuova imaxe d'este requeixín en llionés no que dacuandu en vez eicho una parva de ringleiras pa que sepades que sigo vivu.

Bien yíe ciertu que nun me matara, nun deixa de ser a prantiya más básica de blogger con cuatro escarabayos y un header un poucu curiosu feitu con photoshop. Todo bien sienciello, que yíe cumo you cuido que deben ser us blogs, pero no mieu casu xa estaba mueitu cansu del skin anterior y a sua color azulona tan da Ponfe, imperdonabre pa un culturalista cumo'l qu'escribe.

Lo dito, aspero vos preste a nuova imaxe, se saco tiempu y ganas, amelloraréila. Se non... polo menos yíe meyor qu'a d'antias.

Paz amigos.

Mira que saliera guapa la vaca...

Qué difícil ye falar de lo más cotidiano, de lo que vives cada xornada, de lo qu'amodín, cuasimente ensin que te decates d'ello, acaba formando parte del día día, de los instantes más repitidos, de la rutina, de ti mesmu. Qué difícil ye falar pa min de Tarna, esos que suenan siempre nos altavoces del cassette del mieu coche cada vez que lu prendo.

Onque cuido qu'anguaño nun precisan de presentación nenguna, mui brevemente diréi que Tarna son un dúu de música folk, formáu por Rodrigo y Diego, dous llioneses que con mano arteira axeitan la tradición oral del folclor de la nuesa tierra con sones ya instrumentación más moderna, llogrando cumo resultáu dalgo daveras fermosu y que güei, tres siete años y dous trabayos discográficos publicaos, yá vai arrecadando'l reconecimientu públicu qu'amerita.

Na nueite d'ayer precisamente presentoron el sou segundu discu, El hombre que tenía una vaca, no Teatru del Albéitar de Llión nun inesqueicible conciertu au todo foi simplemente perfecto: una impecable decoración, un publicu ansiosu por sentir los once temas de los que se compón esti trabayu y una fabulosa intepretación de los miesmos pola parte que toucaba a Tarna, onde nun faltóu la sua humildá y cercanía pa conos presentes, la sua sensibilidá y corazón en música y voz y por supuesto un buen puñáu de momentos que foron la risión cumo ye vezu nas suas actuaciones, porque guasa... tienen bien d'ella.

Muitas foron las veces nas que los presentes nos emocionemos al sentir cantares tan prestosos y representativos cumo Buiza, Titos de Cuadros ou El Cucu Rubiellu, pero quiciabesmente mención especial mereza la intervención de Xosé Antón Ambás, una de las personalidaes más reconecidas del folk asturianu, qu'amás de deleitanos cona interpretación del cantar de Casares d'Arbas Maruxa, presente tamién no discu, dedicó unas preciosas palabras a la llingua que xunta a llioneses y a asturianos y a la cultura tradicional d'entrambas tierras a la que s'acuta tan pouca atención.

Pa dalguién cumo you, músicu amateur que tanto amor siente pol país y los sous valores autóctonos, el sentimientu hacia Tarna numás puede ser d'almiración y agradecimientu. Almiración polo musical y agradecimientu por todo lo demás, pola sua apuesta ensin complexos pol nuesu idioma y tradición oral, respetándola ensin deturpala nin castellanizala, y amás por facer dalgo tan importante cumo qu'ésta chegue y conecte con xente cada vez más xoven.

¿El discu? Más curiosu imposible, saliera a la venta van diez días y cumo nun podía ser d'outru xeitu tengolu yá quemáu, una pena que finalmente nun grabaran esa media mano qu'interpretan en muitos de los sous conciertos na qu'amiestan la Ronda de Quintaniella'l Monte cono fermosísimu cantar bercianu Filandón, en fin, confío en qu'estea presente no próximu, personalmente... yá nun soi quien a asperar.

Toro de la Vega NO, corridas SÍ. Ehm... ¿qué?

En mia casa siempres houbo una gran afición pol mundu la tauromaquia. Crecí viendo corridas de touros, igual que vía fútbol, tenis ou motociclismu, y cuasimente acabéi entendiento éstas cumo un deporte más. Mieu padre llogróu contaxame del sou amor pola Fiesta Nacional xunto a tódolos argumentos que negaban el maltratu animal, y durgante mui bien d'años siguí con rixu cada temporada, las suas faenas, deprendí l'argot d'esi mundu, el nome de cada pase, de las colores de la piel del touru, asistí presencialmente a unas cuantas corridas y aneciéi con que l'animal nun sufría, con que naciera pa eso... y todos esos telares.

Esa afición, esi amor que you cheguéi a sentir pola danza touru-toureiru, nun foi a torgar que, tiempu despuéis y faciendu un exerciciu de responsabilidá moral, me decatara de la evidencia que tentéi de negar tantos años y aceptara la mesma: el más qu'evidente sufrimientu del animal, la barbarie de torturar a un ser vivu por pura diversión y el negociu de millones d'euros que s'escuende tres esa monstruosidá que you chaméi arte, tradición. Finalmente y onque ye difícil que dalgo que te gustóu tanto deixe d'interesate d'un día pa outru, garréi la decisión de perder dafeitu'l contactu con esi mundu, nun pisar outra vuelta una praza y aceptar que si la cordura manda, la Fiesta Nacional tien que se prohibir.

Esta breve presentación del mieu pasáu taurinu vien acordias al espolín que dende una parva d'años p'acá xurde siempres por estas fechas nos medios de comunicación, tertulias de bar, redes sociales, etc. respecto al Toro de la Vega. Imaxino que nun fai falta que declare la mia condena a esta atrocidá, pero si asoleyo'l tema ye básicamente porque, polo menos pa min, inda más chamadeiru que'l feitu de qu'haya xente que la defienda, ye'l casu de la xente que felizmente la condena pero sicasí  fai apoloxía de las corridas de touros aferrándose a esi arte, tradición, fiesta, cultura, etc que mentéi enantes.

Nun son ún, nin dous, nin tres los casos que tengo vistos estos días de xente que con traxe, corbata, un monóculu no güeyu y mazcarándose baixo l'intelectualismu y la pedantería atacan al Toro de la Vega cumo'l peor de los males pero faen darréu una defensa a ultranza de la tauromaquia, falando de qu'ésta tien una regulación, un procesu afayadizu en que'l dañu está controláu y xustificando l'asuntu (gárrense qu'esto nun ye broma) en que personalidaes cumo Picasso, Dalí, Goya, Hemingway, Orson Welles, Sabina ou Calamaro adoraban esti mundu. Guay.

Supongo que tendréi que ller más, qu'informame enforma y deprender de Picasso, Dalí & company pa saber estremar ente las llanzas del picador y las de los xinetes de Tordesillas (según paez las últimas faen dañu y las outras non) ou meyor tovía, prestar más atención a los cantares de Sabina ou Calamaro p'asganzar esi intre zen que'l touru vive na praza, onde la espada'l matador ye cumo'l beisu d'una madre antias de dormir pero que, fuera d'ella, ye un arma atroz que tortura y abandera la barbarie.

Acabo yá llamentando muito'l tragu que pasoron las personas que fueron a protestar a Tordesillas y no meyor de los casos marchoron con un güeyu moráu, pero viendo la repercusión mediática que causorón, puede qu'esi sea l'únicu calce pa crear un espolín enforma importante cumo pa rematar cona llaceria ésta del Toro de la Vega. Lo d'acabar cona que protagonizan Jesulín, Morante, Ponce y compañía... va pa muito más llargo.

Severiano Álvarez (1933-2013)

Severíano Álvarez morriéu va una sumana. Yera escritor en llionés, el sou idioma, l'idioma del sou puebru, de los sous vecinos, de la sua familia y de miles de personas on güei n'Asturias, Llión, Zamora y Bregancia, el mesmu idioma qu'anguaño muitos inorantes tovía son a tildar de llingua muerta ou inventu.

Nunca nun faléi con él, quiciabes pola mor d'esa timidez que xurde dende'l respetu y l'almiración. La cabeira vez que lu vi foi en Vil.lablinu, na xornada que Faceira entamóu y de la que faléi na anterior entrada. Severianu asistíu cumo públicu y nun dixo nada, nun intervieno, nin quixo chamar l'atención en nengún intre. Foi ún más de tantos qu'estabamos allá por una senciella cuestión de compromisu y amor pola nuesa llingua, porque ansí foi tamién el sou llabor pa con ella, íntimu, sinceiru, humilde y ensín nengún afán de protagonismu ou reconocimientu.

Severiano amaba la sua tierra tanto cumo al idioma al traviés del qu'empataba con ella, las suas lletras yeran verdes, fértiles, húmedas... pero igualmente, mentanto yeras a llelas, tú mismu podías decatate de cumo avieyaban ringleira a ringleria, de cúmo caían amodo nas frías manos de la seruenda del mesmu xeitu que cae'l val.le nestas fechas, entisnándose del color ocre del ferruñu, un ferruñu que xurde cuando nun se cuidan las cousas de valor, cumo esi mundu de rebochos, flores xilvestres, altus pindius, cudurnices y finos rayos de tsuz al que Severiano pertenecía. Él sí yera consciente del valor del llionés, de la necesidá de facer dalgo por él, y en llugar de sentir vergoña por nun falar la lengua de los señoritos, decidíu participar no procesu de recuperación del idioma y aportar muito y mui curioso nél.

Nun será recordáu por tantos cumo ameritaba, pero por min sí.

Suerte no tou viaxe Severiano.

Il Rebochu'l Xardonal, por Severiano Álvarez

III Xornada de Patrimoniu L.lingüísticu ya Cultural

Una llarga sumana del mieu PC no técnicu por un problema de placa base ye la culpable de que sía'l más tardón en compartir esti gran eventu al que nun faltaréi. Siempres presta dir a L.laciana y más si ye por cousas cumo esta. ¡Aspero veros el sábadu por allá!.